Միայնություն, լվացք և կոտրված սիրտ
Թրեյլերը մեզ անմիջապես նետում է Փիթերի անձնական դրամայի մեջ։ Մենք տեսնում ենք հին տեսանյութեր Էմ-Ջեյի և Նեդի մասնակցությամբ, իսկ հետո՝ դաժան իրականությունը։ Փարքերի կյանքը հատակում է. նա ծեծված նստած է էժանագին լվացքատան հատակին և տխուր նայում է լվացքի մեքենայի մեջ պտտվող իր կարմիր-կապույտ կոստյումին։
Մինչ հեռուստացույցով ցուցադրում են, թե ինչպես է Սարդ-մարդը ստանում քաղաքի բանալին, նրա լավագույն ընկերները՝ Էմ-Ջեյն ու Նեդը, նայում են այդ լուրերը որպես օտար մարդիկ՝ չհիշելով Փիթերին։ Ամենացավոտ պահերից է ուսանողական երեկույթը, որտեղ Փիթերը հեռվից հետևում է, թե ինչպես է մի այլ տղա խնամում Էմ-Ջեյին։
Դաժան Ֆրենկ Քասլը և մոռացկոտ Բրյուս Բենները
Թրեյլերի էքշն հատվածը սկսվում է անսպասելի ու նույնիսկ կատակերգական տեսարանով. Սարդ-մարդուն մեծ արագության տակ հարվածում է մի ֆուրգոն, որի ղեկին Ֆրենկ «Պատժիչ» Քասլն է (Ջոն Բերնթալ)։ Փիթերը կպչում է դիմապակուն ու բղավում. «Այդ ի՞նչ ես անում, Ֆրենկ», ինչին ի պատասխան Պատժիչը կոպիտ խորհուրդ է տալիս դադարեցնել լաց լինելը։
Մեկ այլ կարևոր կամեո է Բրյուս Բենները (Մարկ Ռուֆալո)։ Փիթերը դասերից հետո դիմում է նրան օգնության համար, սակայն Սթրենջի ուղղած անեծքի պատճառով Բենները գաղափար չունի, թե ով է իր առջև կանգնած և քաղաքավարի հարցնում է Փարքերի անունը։
ԴՆԹ-ի մուտացիաներ և խորհրդավոր չարագործը
Տեսահոլովակի ամենաառեղծվածային մասը նվիրված է Փիթերի ֆիզիկական փոփոխություններին։ Նա խուճապահար հարցնում է՝ «Ի՞նչ է կատարվում ինձ հետ», ինչից հետո արթնանում է Նյու Յորքի հետնախորշերից մեկում՝ հսկայական սարդոստայնի մեջ։ Բացի սեփական մարմնի հետ պայքարից, Սարդ-մարդը բախվելու է նաև «Ձեռքը» (The Hand) նինջաների կլանի հետ։
Դետալներ երկրպագուների համար (Easter Eggs)
Մեյ մորաքրոջ գերեզմանը. Կադրում երևում է մահարձանը՝ «2024» թվականով, ինչը հստակեցնում է ֆիլմի ժամանակագրությունը։
Գվեն Սթեյսի՞. Այն պահին, երբ Սարդ-մարդը հարվածում է ավտոբուսի պատուհանին, ներսում նստած է մի շիկահեր աղջիկ, ով շատ նման է կոմիքսների դասական Գվեն Սթեյսիին։
Amazing Fantasy #15. Տեսարաններից մեկը կադր առ կադր կրկնում է 1962 թվականի այն լեգենդար կոմիքսի շապիկը, որտեղ Սարդ-մարդն առաջին անգամ հայտնվեց։
«Ձեր բարի հարևանը». Թրեյլերի վերջում Էմ-Ջեյը Փիթերին անվանում է «բարի հարևան» (friendly neighbor)՝ անհարմար դրության մեջ դնելով նրան
Ե՞րբ դիտել հայերեն տարբերակը
«Սարդ-մարդ. Լիովին նոր օր» ֆիլմի համաշխարհային պրեմիերան կկայանա 2026 թվականի հուլիսի 31-ին։ Թեև կինոթատրոններում հայերեն տարբերակը չի լինի, բայց երկրպագուները ստիպված չեն լինի երկար սպասել։
Մենք կսկսենք ֆիլմի հայերեն պրոֆեսիոնալ հնչյունավորումը հենց այն ժամանակ, երբ համացանցում հայտնվի բարձր որակի թվային տարբերակը։ Մենք խոստանում ենք մաքուր ձայն, էմոցիոնալ խաղ և որակյալ թարգմանություն, որպեսզի դուք կարողանաք վայելել Marvel-ի նոր բլոկբաստերը ձեր մայրենի լեզվով։
Հետևե՛ք նորություններին, որպեսզի բաց չթողնեք հայերեն դուբլյաժի թողարկման ամսաթիվը։